Beti Zuen eskola haurrei eta gurasoei zuzendutako eskola publiko, laiko eta inklusiboa da. Lesakan kokatzen den eskola txiki bat gara eta Bortziariak eskualdeko haurrekin gehien bat aritzen gara. Abeltzaintzak eta nekazaritzak garrantzi handi du bertan eta horregatik, guk ere horrelako kutsu bat dugu gure eskolan. Irakasle eta heziketa talde osoa inguru honetan oso murgilduta dago eta ondorioz, eskola oso familia txiki bat dela esan daiteke. Denon artean kooperatibitatea eta elkarlana gailentzen dira eta gure helburua denon arteko bizikidetza eta ongizatea sustatzea da.